ليــه؟

ليه اللى حبيناه فى يوم بعد عنا؟
ليه اللى حَبنا ولا مره خَطر ببالنا؟
ليه دايماً نتمنى معانا حاجه غيرنا؟
فين الرضا و لا الطمع خلاص هزمنا؟
ليه القسوة و الحقد المزروع بنا؟
عقلنا غاب ولا خاب ولا أيه جرالنا؟

فين الضحكة الحلوة ولا إختفت أسنانا؟
خلاص الفرح راح و الحزن بقى هو دارنا؟
ليه اللى دفعنا فيه الدهب بالتراب باعنا؟
الحقوق صارت بأرض بارت ولا الخوف منعنا؟
خلاص بنوافق اننا ننافق ولا الظلم دفعنا؟
الكدب إختيارنا ولا السراب بياكل أحلامنا؟
فين صوتنا فين قرارنا ولا خلاص اتوجعنا؟
كفايه كده مللنا اللقاء ولا الفراق أدمعنا؟
ياترى فى أمل ولا الضمير ودعنا؟